Како ви звучи плата од 1.000 долари дневно, една година, но под услов да издржите во оваа куќа во Босна и Херцеговина?
Легендарниот Алис Купер дава 365.000 долари за оние што ќе издржат да живеат во оваа куќа една година без телефон, интернет, телевизија, радио и без контакти со другите луѓе. Куќата се наоѓа во Босна и Херцеговина во близина на Мркоњиќ Град.
Неговата објава им се допаднала на повеќе од 100.000 луѓе и има повеќе од 26 илјади коментари. Додека едните тврдат дека неговиот услов за нив е остварување на соништата, другите се свесни колку е тешка оваа задача.
Другите наведуваат услов да имаат куче, книга, музика… набројувајќи без што сѐ не можат и што би им го олеснило престојот.
На „Фејсбук“ се огласил и Боро кој ја изградил оваа куќа и ја решил мистеријата како сето ова се случило.
-Му благодарам на Алис Купер за објавата. Јас ја изградив оваа куќа. Моето име е Борислав Јанковиќ Боро и живеев тука 30 години. Пред неколку години останав без струја, телефон и автомобилот. Ја користев водата од реката, што беше добро за мојата инспирација и концентрација. Од моето искуство знам дека можам да живеам само во контакт со природата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
