Сомнителен багаж на аеродромот во Лајпциг

Неколку часа по терористичките напади во Брисел вонредна состојба е прогласена и на аеродромот во Лајпциг, Германија, каде што е затворен еден од терминалите за заминување.

Антитерористичката тревога е прогласена откако сомнителен багаж е пронајден на контролата на рачниот багаж.

Според федералната полиција сопственик на сомнителниот багаж е маж кој сакал да ја помине контролата во 12 часот и 15 минути. Во багажот се откриени сомнителни и опасни предмети по што мажот е уапсен.

Тој тврдел дека не знае што има во неговиот багаж, а полицијата не го открива неговиот идентитет. Веднаш по инцидентот целиот терминал каде што е најден опасниот багаж е затворен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.