Сини
Оваа боја е поврзана со младост и невиност. Темносините очи откриваат страсна страна на личноста, додека светлосините укажуваат на мирна природа. Исто така, експертите оваа боја ја поврзуваат со ниско ниво на агресија, но и на самодоверба. Но, тоа не значи дека од една ваква личност не може да се очекува изненадување. Таквите момци често знаат да бидат многу кокетни и подобри стратези од останатите. Нив ги привлекуваат синооки девојки, додека останатите бои не покажуваат таква склоност.
Кафени
Според истражување спроведено на еден прашки универзитет, мажите со кафени очи се понежни и посигурни во себе од другите. Најчестата боја на очи е поврзана со лојалноста, но и со самодовербата, одлучноста и мотивацијата. Затоа не треба да зачудува фактот дека повеќето успешни и богати мажи во светот се со кафени очи. Исто така, интересен е податокот дека машките со ваква боја на очи повеќе спијат од останатите и тоа во просек плус 2 часа, односно имаат проблем со станувањето рано.
Зелени
Оваа боја на очи е поретка од кафената и сината, па често зеленооките мажи се сметаат за многу таинствени. Што се однесува до привлечноста, на овие момци тоа добро им оди бидејќи имаат висок степен на енергија и силно либидо. Исто така, зелените очи се поврзуваат со спонтаност, фантазирање и креативност. Но, од друга страна, нивната спонтаност е поврзана со слабата сигурност во себе. Нивната волја за живот и одушевеноста од сѐ што сакаат да видат и да направат може да ги прави комплицирани при запознавањето со дамите, но во секој случај, со овие момци никогаш не би било здодевно.
Темни
Темните очи можат да варираат кон зелени или кон кафени, во зависност од светлината. Второто е поврзано со спонтаност и забава, додека елементите на зелена боја укажуваат на палава страна. Кафените елементи исто така укажуваат на неговата пристапност. Покрај тоа, темните очи се и знак на емпатија кон другите, што никогаш не е лоша работа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
