Заврши првата школа за готвење во Скопје (ФОТО)

Првиот настан наречен „Школа за готвење“ (Cooking school) oвој викенд се одржа во „Веро центар“.

Школата за готвење беше отворена во петокот од страна на гастро-шефот Влатко Огненовски, инаку, шеф на кујна во ресторанот „Форца“, кој одговараше и на прашањата на учесниците, посетителите и на случајните минувачи

Во текот на вториот ден, во саботата, своите гастрономски искуства и совети со учесниците ги сподели гастро-шефицата на Британската резиденција во Скопје, Маре Јаневска.

На третиот и последен ден на школата своите вештина и совети ги сподели шеф Дејан Христовски, кој на својата екипа, сочинета од шестмина гурмани желни за повеќе знаење и кулинарско искуство, кои се пријавија за овој ГАСТРО-КУРС, ѝ покажа како се приготвуваат неколку вкусни јадења.

Организатор на оваа школа за готвење е компанијата „Колор медија“, која ги издава најтиражните гастро-списанија „Испрати рецепт“, „Торти и колачи“, „Бабина кујна“ и „Хорно-готвач“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.