Груевски: Членството во НАТО и ЕУ се наша стратегиска определба

Ние сме карактеристични по многу работи, особено по залагањето и трудот, по нашата посветеност и одговорен пристап. Многу значајно помеѓу сето тоа е една од нашите главни карактеристики а тоа е грижата, залагањето и бранењето на националниот и државен интерес.

Ова вечерва го изјави Никола Груевски, претседател на ВМРО-ДПМНЕ, потенцирајќи дека секогаш во фокусот на владата е Република Македонија.

-Секогаш, секаде сме се залагале и ќе се залагаме за оваа врвна вредност, секогаш во нашиот фокус е државата, нашата држава Македонија. Она за што се бореле генерации и генерации да го зачуваме, да не го загрозиме и да го развиеме и предадеме сигурно на генерациите што следат. Членството во НАТО и ЕУ се наша стратегиска определба и покрај сите критики ние цврсто чекориме на тој пат и даваме резултати. Главен предизвик и фокус на ЕУ во моментот е мигрантската криза со чии последици и ние се справуваме, од друга страна ние продолжуваме и не отстапуваме од нашата реформска агенда за членство во Европската Унија и НАТО, тоа е важен процес на кој ние имплементираме мерки и закони, посочи Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.