Во куќа во Ваксинце пронајдени 77 мигранти

Вчера во 17.30 часот во СВР-Куманово се јавило лице-мигрант и на англиски јазик пријавило дека во куќа во с. Ваксинце – Куманово било физички нападнато од непознато лице во пределот на главата, кое му барало пари. Истиот побегнал, а неговото семејство останало во куќата.

На местото на настанот биле упатени полициски службеници од СВР – Куманово и РЦ – Север, бил обавен разговор со пријавителот, но не било констатирано дека е нападнат.

Од страна на полициските службеници во напуштена куќа во селото биле пронајдени 77 мигранти од Пакистан, Сирија и Авганистан, кои ноќва во 00.30 часот се пренесени до Транзитен центар-Гевгелија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.