Актуелниот италијански претседател Џорџо Наполитано денесека, во шестиот круг од изборите, повторно e избран за претседател на Италија.
87- годишниот Наполитано е првиот претседател во историјата на Италијанската Република избран за втор мандат на функцијата. Тој се покажа како консензуална фигура откако избирачката комисија составена од пратеници од двата дома на Парламентот и претставници на 20-те италијански области ги отфрлија претходно предложените кандидати.
Според експертите изборот на претседател е клучен услов за излез од политичкиот ќорсокак, во кој се најде Италија по предвремените парламентарни избори што не резултираа со јасен победник.
Италијанскиот претседател има малку реални овластувања, но е гарант на Уставот и го отелотворува единството на нацијата. Тој има седумгодишен мандат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
