Марија Шарапова на својата „Фејсбук“ фан-страница им се обрати на своите фанови и им се заблагодари за неверојатната подршка што и ја даваат за време на овие тешки моменти, откако објави дека паднала на допинг-тест.
Руската тенисерка беше осудена од голем дел од спортската јавност, но таа има армија верни фанови на кои им е благодарна за љубовта што и ја прикажале по оваа афера, која и ја доведе во опасност кариерата.
– Во овој момент, многу сум горда што можам да ве наречам мои фанови. Неколку часа по моето објавување вие ми покажавте љубов и лојалност, кои можев само да ги очекувам кога некој е на врвот на својата професија. Сакав да ви кажам на сите дека, вашите убави зборови ми ја вратија насмевката на лицето. Сакам повторно да играм тенис и се надевам дека ќе имам шанса. Вашите пораки ми даваат поттик. Оваа порака не е ништо друго освен да ви кажам, благодарам. Ви благодарам многу – напиша во дел од пораката Шарапова на „Фејсбук“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
