Германската канцеларка Ангела Меркел предупреди денеска дека затворањето на „западнобалканската рута“, која ја користат бегалците „нема да го реши проблемот“ и додаде дека тој чекор не е одржлив.
– Проблемот не се решава со преземање на еднострани одлуки, изјави Меркел.
Таа истакна дека доколку не се постигне договор со Турција, Грција нема да може на подолг период да го носи товарот на бегалската криза.
Министерката за внатрешни работи на Австрија Јохана Микл Лајтнер порача за „Велт“ дека балканската бегалска рута ќе остане трајно затворена, додавајќи дека само таков „конзистентен сигнал“ ќе ги одврати мигрантите од Турција да го преминуваат Медитеранот за да стигнат до брегот на Европа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
