Се преврте автомобил кај Штип, тешко повредена девојка

Вчеравечер околу 23.15 часот на локалниот пат од с.Шашаварлија кон Штип се случила сообраќајна незгода во која е повредено едно лице.

Управувајќи со возило „опел тигра“ со штипски регистарски таблички, И.О. (30) од Штип изгубил контрола над возилото, излетал од коловозот, а возилото се превртело.

При незгодата со тешки телесни повреди се здобила седумнаесетгодишната сопатничка. Поради влошената здравствена состојба истата е пренесена во Клинички центар Скопје.

Увид на местото на настанот извршила екипа од СВР Штип.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.