„Студент-фест“ – голем студентски фестивал во Штип, Битола, Охрид и во Скопје

„Студент-фест“ е еден од проектите што лидерот на ВМРО-ДПМНЕ, Никола Груевски, го најави денеска како дел од „Мерките за млади“. Со „Студент-фест“, како што реле Груевски, е планирано по примерот на европските студентски градови да се организира голем студентски фестивал во Штип, Битола, Охрид и Скопје каде што се сместени универзитетите.

Фестивалот во Штип, Битола и во Охрид ќе се одржува еден ден во годината, а во Скопје ќе трае повеќе денови и ќе се одржува на шесте плоштади на кои, како што претходно беше најавено, ќе се градат мултифункционални бини како што се плоштадите „Македонија“, „Филип Втори“, „Мајка Тереза„ „Богородица„ „Скендер-бег“ и плоштадот „ВМРО“. На овој фестивал ќе настапуваат студенти, а носител на проектот ќе биде Агенцијата за млади и спорт во соработка со општините. Проектот ќе почне да се реализира од следната година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.