Моментот кога Фахрета Јахиќ станала Брена се случил пред да стане пејачка.
Како што открила прекарот Брена го добила уште во средното училиште во 1975 година и тоа на кошаркарски терен.
-Во тој период почнав активно да тренирам кошарка. На кошаркарскиот терен настана и мојот денешен прекар – Брена. Прекарот ми го даде мојот тогашен кошаркарски тренер, Влада Бајер. Додека шутирав на кош, тој ми подвикна:„Ајде сега Брено!“. Во Босна тоа беше синоним за убава девојка. Секогаш сакав да се истакнувам и да се изборам за своето место под сонцето. Ма бев како струја! Затоа и се најдов под кошо со топка во рацете. Тука дојде до израз и мојата смисла за реалност. Сфатив дека не сум доволно талентирана за кошарка и дека секогаш ќе има некои кои се подобри од мене и кои нема да можам да ги достигнам. Кога подоцна Саша Поповиќ ме праша дали имам некој прекар, ми текна на тој настан и така станав – Брена. За време на гимназиските денови почнав да пеам на игранки. Конечно сфатив дека сцената е мојот терен – раскажала пејачката во една прилика.
Легендарниот водител Милован Илиќ Минимакс се погрижи на Брена и се додаде и Лепа во 1981 година, со што веројатно и не знаеше дека со тоа создал уметничко име чие буквално значење би било „Убава убава девојка“.
Сепак Брена изјавила дека би била посреќна доколку сите ја вика Софија или Клаудија.
-Да знаев на самиот почеток на мојата кариера дека ќе достигнам олкава популарност е тогаш самата ќе учествував во креирањето на својот прекар, но што е тука е – појаснила пејачката.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
