Роналдо прв стрелец, пола од головите ги постигна против два тима

Ѕвездата на Реал Мадрид, Кристијано Роналдо во вчерашниот натпревар ја „прегази“ Селта, постигна четири голови во победата на „кралскиот“ клуб од 7-1 и со тоа изби на првото место на листата на стрелци во Примера Дивизија со 27 голови.

Португалецот оваа сезона честопати е критикуван за неговата неефикасност во големите дуели, против најдобрите шпански тимови, затоа што нема постигнато ниту еден гол против Барса, Атлетико Мадрид, Севилја, Виљареал и Валенсија, но затоа, пак, ги „истури“ Еспањол и Селта.

Звучи неверојатно, но Роналдо од 27-те голови, 13 постигна на четирите наптревари против Селта и Еспањол, што процентуално гледано е скоро половина од головите, поточно – 48%.

Против Еспањол Роналдо има постигнато осум, а против Селта пет голови – сите овие 13 голови за само 180 минути игра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.