Меркел со остри критики за Грција

Германската канцеларка Ангела Меркел отворено ја критикува Грција за катастрофалните услови за сместување на бегалците.

Таа е разочарана што досега не е подготвен ниту минимален дел од предвидените 50 илјади кревети за сместување на бегалците, број што ЕУ го побара од официјална Атина.

Во интервју за утрешното неделно издание на весникот „Билд“ канцеларката вели дека грчката Влада мора да обезбеди пристојно сместување за сите бегалци кои што се наоѓаат на нејзина територија.

Меркел во интервјуто потенцира дека во моментов води разговори со грчкиот премиер Ципрас кој што според неа сака да помогне но бара поддршка од ЕУ која што е подготвена да понуди солидарна помош.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.