Краткиот филм „Влакна“ освои награда за најдобар трилер на Фестивал во Ванкувер

Краткиот филм „Влакна“ на сценаристката и режисерка Елеонора Велинова ја освои наградата за најдобар трилер на Канадскиот интернационален филмски фестивал во Ванкувер.

Филмот ќе биде прикажен на 9 април годинава, заедно со останатите добитници во другите категории.

Краткометражниот „Влакна“ е трилер – приказна за детективка која истражува убиство на мало девојче со влакно како клучен доказ. Филмот е во продукција на „Партес“, по сценарио и режија на Елеонора Венинова.

Главните улоги во филмот ги толкуваат македонската актерка Ирена Ристиќ и српскиот актер Бојан Жировиќ, а играат и Слаѓана Вујошевиќ, Марија Арсенкова и Трајче Црвенов.

Продуцент на филмот е Небојша Илијевски, директор на фотографија е Димо Попов, автор на музиката е Дејан Спасовиќ, сценографијата е на Филип Велковски и на Никола Анѓелковски, монтажата на Бошко Столиќ, а изборот на костими го направи Верица Андреевска – Спасовиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.