Монструмот од Москва на суд: Алах ми нареди да ѝ ја отсечам главата

Узбекистанката Гулчехра Бобокулова (38) која го шокира светот шетајќи низ Москва со главата на мало девојче во рацете, на првото судско сослушување признала дека го убила девојчето, а потоа му ја отсекло главата, пишува рускиот весник на англиски јазик „Москоу тајмс“.

Бобокулова, која е мајка на три деца, работела во станот на едно московско семејство како дадилка. Во критичниот ден, таа почекала родителите да заминат на работа, а потоа го убила четиригодишното девојче кое ѝ било доверено на чување, му ја отсекло главата, а потоа подметнала пожар во станот.

Облечена во хиџаб, таа дошла до метро-станицата „Октјабрское полје“ и од торбата што ја имала со себе, ја извадила главата на девојчето, извикувајќи „јас сум терорист – јас сум вашата смрт“.

Кога дошла полицијата да ја уапси и побарала да ја идентификува, им се заканувала на полицајците дека на себе има елек како бомбаш-самоубиец и дека ќе ја активира експлозивната направа, но тоа, сепак, не се случило.

Засега не се знае што е мотивот за ова сурово злосторство, но истрагата на руските власти тврди дека таа дејствувала сама и дека никој друг не е осомничен.

На првото сослушување, според московскиот весник, тврдела дека тоа што го направила било „наредба од Алах“.

Властите што ја водат истрагата објаснуваат дека Бобокулова страдала од тешко ментално нарушување, но не е јасно како успеала да најде работа како дадилка и никој да не забележи дека нешто не во ред со неа.

Поранешната советска република Узбекистан, сега независна држава во Средна Азија, со големо мнозинство муслиманско население, и порано, а и сега претставува извор за работна сила во Москва, па многу Узбекинстанци привремено или трајно се наоѓаат на работа во рускиот главен град.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.