Пејачката Лепа Брена изјавила дека ќе сведочи на суд против колегата и некогашен пријател Мирослав Илиќ во случајот за утврдување на татковство на неговиот наводен син Девин.
Пријателката на Брена Мирјана Антоновиќ, поранешната љубовница на „славејот од Мрчајевци“, решила по направениот ДНК тест во Америка со примерок кој го украла од Мирослав, да направи тест и во Србија.
Како што им раскажала Мирјана на пријателите, ако Мирослав одбие да го направи ДНК тестот, таа на суд ќе донесе сведоци кои ќе и помогнат во задоволување на правдата.
-Мирјана знае дека во секој миг може да очекува помош од Лепа Брена. Кога ќе дојде до судење таа ќе сведочи во корист на Мирјана и Девин. Таму ќе раскаже се што знае за односот на нејзиниот колега и Мирјана. Тие цврсто се одлучни да докажат дека резултатите од Америка, кои покажале дека Мирослав 99,9 отсто е таткото на Девин, се вистински – изјавила блиска пријателка на Мирјана, а пренесоа регионалните медиуми.
Мирослав Илиќ ен бил расположен да ги коментира овие наоди, но неговата сопруга кажала дека за неа и нејзиниот семејство Брена е „шуплива“.
-Тоа суштество воопшто не сакам да го коментирам. Таа за мене воздух, шуплива е. Не ме интересира ниту дали токму Брена учествувала во тајно прибирање на ДНК од мојот сопруг – изјавила Гордана Илиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
