Акција „Прегрни за ретки! Прегрни за Гинис“ за одбележување на Денот на ретки болести

Денот на ретки болести ќе се одбележи во понеделник (29 февруари) во 11.30 часот во Кино Фросина (МКЦ).

Во пресрет на денот, од 21 до 27 февруари се организира Акција „Прегрни за ретки! Прегрни за Гинис“ а на 28-ми февруари во Скопје Сити Мол со почеток во 12 часот ќе се одржи промотивен настан-изненадување.

Од 21-ви до 27-ми февруари, во Хрватска, Србија, Македонија и пошироко во регионот, се случува акцијата „Прегрни за ретки, прегрни за Гинис!“, со цел да се собори Гинисовиот рекорд за најголем онлајн фотоалбум со прегратки, а со тоа да се подигне свеста за ретките болести.

Целта на акцијата е да поттикне што повеќе луѓе да ја покажат својата хуманост, топлина и емпатија за луѓето со ретки болести преку прегратки.

Настани ќе се случуваат и во Охрид, Прилеп, Гевгелија и Битола со делење флаери и акции за гушкањe за рушење на Гинисовиот рекорд во гушкање во тек на петок, сабота, недела.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.