По две години пауза, Хрватска се враќа на „Евровизија“. Хрватската национална телевизија вчера објави кој ќе ја претставува земјата на 61. евровизиска трка.
– Голема чест и задоволство ми е што по две години отсуство од Евросонгот во Стокхолм ќе не претставува Нина Краљиќ – минатогодишната победничка на „Глас“ (The Voice). Нина ќе настапува во првата полуфинална вечер на 10 мај и верувам во нејзиниот голем успех и влез во финалето коешто ќе се одржа на 14 мај пред повеќе од 200 милиони гледачи. Песната ќе биде многу интересна, адаптирана на гласот на Нина – изјавил водачот на тимот на ХРТ за натпреварување за песна за Евровизија (ЕСЦ) Жељко Месар.
Нина победи на музичкото шоу пеејќи ја антологиската македонска песна „Зајди, зајди“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
