Кои биле првите професии на Мусолини, Сталин, Чаушеску?

Што работеле големите диктатори пред да дојдат на власт?

Бенито Мусолини – едно време работел како учител, но брзо сфатил дека не е за таа работа, пишува „Енциклопедија Британика“. Италијанскиот водач потоа отпатувал за Швајцарија, каде што се занимавал со различни професии пред да стане познат политички новинар.

Ким Ил Сунг – севернокорејскиот диктатор се приклучил на герилското движење против јапонската окупација 1930 година, а подоцна управувал со корејскиот контигент како мајор на советската војска во Втората светска војна.

Јосиф Сталин – неговата мајка сакала да стане свештеник, така што тој запишал богословија. Иако бил одличен студент, 1899 година го напуштил факултетот и почнал да работи како тутот и службеник во Метеоролошката опсерваторија во Тбилиси. Според некои извори студиите ги напуштил бидејќи веќе не можел да плаќа школарина, а други извори тврдат дека причина за напуштање на факултетот биле неговите антицаристички политички ставови.

Адолф Хитлер – озогласениот германски диктатор работел како повремен физички работник и сликар на акварели во Виена. Го интересирала уметноста, иако неговиот татко не го интересирале уметничките склоности на неговиот син. Двапати бил одбиен од Академијата за убави уметности во Виена.

Пол Пот – диктаторот на Камбоџа додека студирал во Париз работел како електричар. Сепак, поголемиот дел од времето го посветувал на револуционерните активности. Ја загубил стипендијата бидејќи не успел да положи испит неколку пати. Кога се вратил дома предавал историја, географија и француска книжевнст во едно приватно училиште.

Николај Чаушеску – романскиот диркатор завршил само основно училиште, а кога го напуштил своето село работел како помошник кај еден чевлар. Подоцна почнал да се занимава со политика и станал претседател од 1965 се до својата смрт, 1989, кога беше стрелан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.