Димовски до СДСМ: Од народот нема да избегате, тој ќе го врати суверенитетот на оваа држава

Единствен срам за политичка партија и за политичар е да бега од избори. Нема поголем срам од тоа, истакна координаторот на пратеничката група на ВМРО-ДПМНЕ Илија Димовски, на вечерашната собраниска седница.
-Се радувате заради тоа што бегате од избори, алал вера. Почитувани колеги пратеници, од народот нема да избегате. Ниту еден меѓународен посредник, ниту еден измислен пријател нема да ве заштити од волјата на народот. Народот ќе си дојде по своето и народот ќе го врати суверенитетот на оваа држава таму каде што му е местото, потенцираше Димовски.

Координаторот на пратеничката група на ВМРО-ДПМНЕ, подвлече дека народот на 5 јуни ќе го избере новото Собрание.

-На 5 јуни, со вас или без вас, граѓаните на Македонија ќе го изберат новото Собрание, а вие да си продолжите и понатаму со вашата срамна, понижувачка, деструктивна и кукавичка политика. Да си барате пријатели секаде по белиот свет заради тоа што во Македонија повеќе ги немате, додаде Димовски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.