Претседателот на Албанија, Бујар Нишани побара од Уставниот суд мислење за најновото именување на министер во владата што може да предизвика политичка криза, наведуваат американски медиуми.
Минатата недела премиерот Еди Рама го смени министерот за финансии и на тоа место го именуваше Арбен Ахметај, поранешен министер за економија, а на функцијата на Ахметај го именува Милви Економи. -Прашањето за именување нови министри е од една страна прашање на процедура, но владејачката партија смета дека Нишани одолговлекува што доведува во прашање и други именувања- оценуваат американски медиуми.
Нишани е избран во 2012 година од Демократската партија која сега е во опозиција. Тој им задава „главоболки“ на левичарката владејачка коалиција на Еди Рама со одлагање на именување генерали, дипломати и судии.
Ермонела Фелај, министерка задолжена за односи со парламентот вели дека владејачката коалиција можно е да бара сменување на Нишани доколку именувањата на министри не бидат потврдени до вторник, и тоа како што наведе, го овозможува Уставот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Опозицијата бара враќање на смртната казна во Албанија
-
Албанија од 1-ви јануари ги затвора спортските обложувалници
-
Албанија и Косово водат референдумска кампања за Македонија во своите земји: Партиите во Албанија повикуваат на максимален ангажман во Македонија
-
Во Италија запленети 20 тони дрога од Албанија
