Денеска ЕУ и САД ќе дадат оценка – има ли услови за избори на 24 април

Оценката на ЕУ и САД за тоа дали има услови за одржување кредибилни избори на 24-ти април ќе биде објавена денеска попладне.

Евроамбасадорот Аиво Орав, неделава одговарајќи на новинарско прашање изјави дека проценката се уште е во подготовка.

– Од една страна 24 април е дел од договорот како ден за предвремени избори, но од друга страна има многу задоцнувања во имплементацијата на договорот од Пржино, рече евроамбасадорот Орав.

Тој потсети дека ја оценуваат ситуацијата во три области за подготовката за изборите и тоа ДИК и Избирачкиот список, во однос на персоналот на ДИК и ревизијата на Избирачкиот список, медиумите-балансирано известување и договорот на четирите партии за реформи во медиумите, одвојувањето на државата и партиите, како и притисоци и закани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.