Поради изведување работи на пат со минирање на патот А2 Кичево – Охрид на делот помеѓу Пресека – с.Врбјани од 13 до 15 часот денеска сообраќајот ќе биде во прекин во интервали од 15 до 20 минути, соопшти Автомото сојузот на Македонија.
Според АМСМ, сообраќајот на сите државни патишта се одвива тековно без забрани и застои, по наместа влажни коловози.
АМСМ препорачува внимателно возење, прилагодена брзина на движење, почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово – Стража, Демир Капија – Удово и Виница – Берово, каде е можна почеста појава на одрони.
Во сила е законската обврска за задолжително поседување зимска опрема во возилата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
