Maкедонец јурел со повеќе од 200 км на час на хрватски автопат

Хрватската сообраќајна полиција вчера запрела Словенец и Македонец, кои на автопатот А3 (Брегана-Загреб-Липовац), возеле со брзина од повеќе од 200 километри на час.

Полицијата утрово соопшти дека вчера околу 13 часот сопрела 33-годишен Словенец, кој со автомобил марка „БМВ“ по автопатот возел со брзина од 202 километри на час.

Само еден час подоцна запрено е возило од типот „ауди А7“, кое со брзина од 209 километри на час било управувано од страна на 46-годишен Македонец.

Двајцата, поради сообраќајни прекршоци, односно надминување на дозволената брзина, заработиле парична казна во висина од 389 евра и мерка забрана на користење на меѓународните возачка дозвола на подрачјето на Хрватска во траење од еден месец.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.