Педесет нијанси хумор во „Синеплекс“

По романтичниот филм „Педесет нијанси сиво“ со заводливиот Кристијан Греј, пристигнува неговата пародија „Педесет нијанси црно“ со неверојатниот Кристијан Блек, кој со неговиот неверојатен хумор ќе не води низ неговиот лавиринт на жестоки игри и средби.
Вајанс (г-дин Блек), познат по своите улоги во многу комедии, нема ограничување со својот хумор или пародирајќи само еден филм, тој мора да замеша повеќе филмови истовремено како „Ритамот на лудилото“, „Магичниот Мајк“, за да постигне различен степен на успех. Филмот, во многу моменти успева да биде изненадувачки подмолен со својот хумор. Оригиналната приказна за Греј го отсликува Кристијан како човек до кого не допираат емоции, човек кој ја има целата моќ и доминантност наспроти девицата Анастасија. Но, сега Кристијан Блек е тотална спротивност па доколку не го засакавте Греј сега сигурно ќе го засакате Блек!

Поранешниот светски боксерски шампион Роки Балбоа (Силвестер Сталоне) повторно се враќа во рингот во „Крид“! Но, сега како тренер и ментор на Адонис, синот на неговиот последен и поранешен противник Аполо Крид. Со помошта на Роки, тие се надеваат да добијат титула за да може да им се спротивстави дури и на најсмртоносните противници од оние коишто ги имал неговиот татко. Сталоне повторно го освојува благородништвото и чувство на пристојност на Роки, споено со болка која ќе допре до сите срца и ќе извлече по некоја солза од вашите очи.

Филмот „Соба“ е драма која ни претставува една типична добра мајка која се посветува нејзиниот син да биде среќен и сигурен пружајќи му љубов и топлина, додека тие се заробени соба. Но, еден ден нивната љубопитност ќе стане голема за надворешниот свет, со што ќе се впуштат во ризично бегство кое ќе ги соочи со реалниот свет, реалната вистина.

Најмладите ќе имаат можност да уживаат во една голема снежна авантура на „Снежно време“. Започнување на зимски распуст, но непрекинувајќи ја дружбата со другарчињата, слободното време мора да се исполни, со што Лук и Софи ќе решат да бидат лидери на спротивни групи и да се борат за освојување на ледениот замок. Масивната тепчка со снежни топки започнува за окупирање на замокот и прогласување на победникот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.