Тешка сообраќајна несреќа се случила вчера попладне на магистралниот пат во близина на Лозово, во правец од Велес-Штип, при што тешко е повредено двегодишно дете.
Од полицијата информираат дека Ч.Ц.(72) од Скопје управувајќи автомобил „Тојота Јарис“ со скопски регистерски ознаки излетал од коловозот и удрил во бетонски столб.
Во незгодата со тешки повреди се здобило дете на возраст од две години кое по укажаната лекарска помош во Клиничката болница во Штип е префрлено во Ургентен центар во Скопје.
Извршен е увид на местото на настанот и се работи на целосно расчистување на случајот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
