Милан Топаловиќ Топалко ѝ дал на ќерката Хелена (17) дури 20.000 евра за отворање на бутик во Белград. Топалко го платил реновирањето на еден локал во белградската населба Видиквац, а платил и кирија за неколку месеци однапред. Грижливиот татко дал и 10.000 евра за набавка на гардероба од Истанбул.
Гордиот татко потврди дека ѝ дал пари, но кажа дека не е воодушевен од идејата на неговата ќерка да започне сопствен бизнис.
Точно е дека ѝ дадов пари на мојата ќерка да отвори бутик, но тоа е сѐ што направив за нејзината работа. Околу набавката на робата, рекламата и останатите работи со прст не мрднав. Најлесно е да се дадат пари. Неколкупати се обидов сопругата и ќерката да ги убедам да не влегуваат во овој бизнис. Едноставно мислам дека од тоа нема голема заработувачка. Не сакав ниту да влезам во локалот додека не го завршија реновирањето и целосно не го средија дуќанот“, искрено кажа Топалко за еден српски портал.
Во меѓувреме, таа стана позната и почна врска со колега на нејзиниот татко, Слободан Васиќ, и целосно го смени ликот, а нејзиниот познат тако вели дека славата што ја има лошо влијае врз неговата ќерка. Некои од вестите поврзани со неговата ќерка поради кои жали ви ги пренесуваме во продоложение:
Ќерката на Топалко вака го прослави својот 18. роденден
Хелена Топалковиќ, ќерката на фолкерот Милан Топалковиќ Топалко, го прослави 18. роденден во една вила, каде што многумина од естрадата ѝ посакаа најубави желби.
На прославата дојде и нејзиното поранешно момче, пејачот Јован Стефановиќ, синот на Брена Виктор, пејачката Кача Живковиќ и многу други.
Сексапилната Хелена која често сака да провоцира со своите бујни облини, овој пат изгледаше како принцеза во долга сина тоалета. Таа дури на главата имаше и дијадема.
Ќерката на Топалко НЕПРЕПОЗНАТЛИВА! (фото)
Убавата 18-годишна Хелена, ќерката на познатиот пејач Милан Топалковиќ Топалко, е многу активна на социјалните мрежи.
Има преку 18 илјади следбеници, кои ги изненади со најновата фотографија на која усните ѝ се напумпани до непрепознатливост.
Хелена изгледа сосема поинаку, но не знаеме дали се работи само за шминка или за пластична операција.
Слободан Васиќ: „Топалко не ми брани да спијам со неговата ќерка!“
Иако се шпекулираше дека Милан Топаловиќ Топалко не ја одобрува емотивната врска на неговата ќерка со Слободан Васиќ, изгледа дека не само што тоа не е вистина, туку тој му дозволува на помладиот колега од „Гранд“ да спие во креветот на Хелена.
„Топалко и јас сме во одлични односи, како што бевме и порано. Понекогаш одам и во нивниот дом на гости, а се случува и таму да преспијам“ – изјавил Васиќ.
Пејачот открил дека на почетокот сакал врската да ја крие од јавноста, но кога веќе официјално се дознало, решил да прозбори и да потврди дека е во добри односи со Топалко, со цел да ги демантира сите шпекулации во јавноста, но и да истакне дека е во добри односи со поранешното момче на Хелена, Јоце Стефановиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
