Норвешка подобра од домаќинот Полска

Домаќинот на Европското првнество во ракомет, репрезентацијата на Полска го доживеа првиот пораз во четвртиот натпревар, откако немаа вистински одговор за расположената Норвешка, која славеше со 30:28.

Во текот на целиот натпревар, Норвешка почесто го имаше водството, кое на полувреме изнесуваше 15:16. Константно скандинавците го одржуваа водството, кое го задржаа до самиот крај во кој сосема заслужено славеа.

Еспен Хансен беше избран за играч на натпреварот, бекот на Норвешка постигна 8 голови. Тонсен имаше шест, додека Јондал средбата ја заврши со 5 голови. Во редовите на домашната репрезентација, Биелецки имаше 10, додека Јурецки имаше 9 погодоци.

Со овој расплет, јасно е дека Македонија ги загуби шанси и за пласман до деветтата позиција. Многу веројатно е на врвот да има и ситуација од три репрезентации по 8 бодови, па за полуфинале да одлучи меѓусебната гол ралзика на Норвешка, Франција и Полска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.