Награда „Гоцева мисла“ за Тања Попова и Звонко Танески

Годинашната меѓународна награда „Гоцева мисла“ која ја доделува Фондацијата за културна и научна афирмација и презентација „Македонија презент“ ќе ја добијат Тања Попова од Бугарија и Звонко Танески од Македонија.

Наградата се доделува во чест на роденденот на Гоце Делчев (4 февруари) и неговата знаменита мисла „Јас го разбирам светот како поле за културен натпревар меѓу народите“. Неа досега ја добиле Златко Крамариќ (Хрватска), Олга Панкина (Русија) и Даниела Костадиновиќ (Србија).

– Тања Попова ја добива наградата за севкупниот ангажман и придонес на планот на афирмацијата и презентацијата на македонската литература и култура во странство, посебно со нејзините бројни преводи на дела од македонски автори на бугарски јазик. Звонко Танески, исто така, наградата ја добива за бројните преводи на македонски автори и книги на словачки јазик, информира „Македонија презент“.

Доделувањето на наградите е во рамки на традиционалниот Фестивал на чајот и читањето, кој и годинава ќе почне на 4 февруари, а ќе заврши на 8 март.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.