Почина диџеј Бабура

Еден од најпознатите македонски диџеи, диџеј Бабура, почина утринава по долго боледување. Љупчо Петровски, легенда на македонската радио и клупска сцена, ја загуби битката со болеста на 44-годишна возраст.

Кариерата на Петровски почна уште во деведесеттите години со пуштање музика на радиото „Мега ФМ“, за подоцна да стани резидент во двете најголеми скопски радија, „Антена 5 радио“ и потоа во „Сити радио“, каде беше и косопственик.

Препознатлив по хаус музика, Петровски настапуваше со сите светски диџеи кои гостуваа во земјава, а со неговите музички сетови израснаа повеќе генерации во клубовите низ Скопје и низ земјава.

Пред повеќе од една година, диџејот и неговата сопруга станаа родители на две момчиња, близначињата Јаков и Јаким.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.