Ќе се отворат канцеларии во општините за информации за проектот „Купи куќа за млади“

Во Министерството за финансии има отворено канцеларија каде што граѓаните можат да се информираат за околностите и условите за аплицирање за проектот „Купи куќа за млади до 35 години. Организиран е и караван кој ќе ги посетува општините за да можат граѓаните да се запознаат подетално со овој проект.

Министерот за финансии, Зоран Ставрески, на денешната средба со претседателот на ВМРО-ДПМНЕ, Никола Груевски и градоначалниците, посветена на проектот „Купи куќа за млади до 35 години“, подвлече дека ова е одличен проект кој кај граѓаните побудил особен интерес, со оглед на тоа што се решава едно од најзначајните прашања, за младите.

Проектот е извонредно добро дизајниран бидејќи овозможува флексибилност во насока на помош, било во делот на плаќање на ратата или во стекнување на средства за добивање на кредит.

-Дизајниран е на база на контакти со младите луѓе и од тој аспект нема сомнеж дека одговара на нивните потреби, подвлече Ставрески.

-За да не се остане само на караванот и на едно дневно присуство во градовите, разговаравме со директорот на УИПР и УЈП за во сите градови каде што има подрачни единици на УИПР и УЈП да се отвори постојана канцеларија, каде што вработени од институциите ќе им даваат информации на граѓаните, подвлече Ставрески.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.