Темпретура под нула во цела Македонија

Најниска температура, минус 14 степени Целзиусови, во Македонија во седум часот изутрина е измерена во Берово, а минус 13 во Битола и минус 12 во Лазарополе, Дебар, Маврово и Тетово, соопшти Управата за хидрометеоролошки работи (УХМР).

Во Скопје Петровец се измерени -11 степени, -10 во Тополчани, Прилеп, Куманово, Штип и Крива Паланка, – 9 Скопје и во Пожаране, -8 Охрид, Крушево, Демир Капија, Кавадарци и Струмица, -7 во Виница и Ѓуриште, -6 Претор, -5 Гевгелија и во Пожар и минус 3 во Дојран.

Времето денеска ќе биде сончево со мала до умерена облачност, а преку ноќта облачноста ќе се зголемува. Ќе дува слаб до умерен северозападен ветер. Највисоката температура денеска во земјава ќе достигне од 0 до 6 степени.

Во Скопје, сончево со мала до умерена облачност прекуноќта облачноста ќе се зголемува. Температурата ќе достигне до 3 степени.

Во наредниот период ќе продлжи периодот на стабилно, суво и студено време. Утринската температура на повеќе места ќе се спушта под -10 степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.