Средношколецот Ацо Андонов го фати крстот во Берово

Од студените води на Брегалница во Берово, Светиот крст го извади средношколецот Ацо Андонов кој живее во Групниот дом за деца без родители во Берово. Шеснаесетгодишното момче беше најсреќно од 10-ината беровци кои се фрлаа во водите на Брегалница. Тој посакува здравје, среќа и бериќет.

– Многу сум возбуден за прв пат го фаќам крстот. Се надевам дека ќе ми донесе среќа и ќе ме благослови, рече Андонов.

Стотина Беровци го следеа чинот на осветување на водите од реката. Општина Берово за најсреќниот што го фати крстот обезбеди пригодна награда.

Пред да започне чинот на осветувањето на водите на реката, поради ниските температури кои ноќеска во Берово достигнаа и до -19 степени, водата беше замрзната, па неколкумина се обидуваа да го скршат мразот од реката со цел да се одржи традиционалното фрлање на крстот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.