Скока секоја година, по вторпат го фаќа – Водици во Струга

Триесет и петгодишниот Дарко Паскоски од Струга го фати Светиот крст во водите на Црн Дрим.

Во тековната година, како што рече, очекува духовно и телесно спасение. – Да помогне како за мене така и за сите кои се молат и веруваат во Господ Исус Хростос. Очекувам здравје, духовен убав и мирен живот. Најголемо богатство е што го фаќаме крстот, духовното и телесното спасение, изјави Паскоски.

Тој истакна дека скока скоро секоја година, а ова е второ негово фаќање на Светиот крст во Струга. По Светиот крст во Струга скокаа над 100 верници во ладните води на Црн Дрим, а водите ги освети митрополитот на Дебарско-Кичевската епархија, г. Тимотеј.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.