Македонските ракометари пристигнаа во Полска

Македонската ракометна репрезентација попладнево слета во Краков, Полска каде в петок почнува Европското првенство.

Организаторот на шампионатот за „црвено-жолтите“ обезбеди автобус на кој стои уставното име Македонија, за разлика од претходното Светско првенство во Катар каде се користеше референцата (ФИР), што е причина повеќе за задоволство од присуството меѓу најдобрите ракометни европски национални тимови.

Ракометарите утре ќе го имаат првиот тренинг, а веќе в петок од 18 часот против Франција ќе го имаат првиот настап на ЕП.

На 17 јануари Македонија игра со домаќинот Полска, а по два дена (19 јануари) во последното коло од групата се среќава со Србија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.