Гратис змија со новата гарнитура за семејство од Прилеп (ФОТО)

Прилепско семејство останало во шок откако во новата гарнитура пронашло змија.

Тие нарачале гарнитура од салон за мебел во Прилеп. Кога им ја доставиле, половина гарнитура била во погрешна боја, по што веднаш ги замолиле да ја вратат и да добијат таква каква што нарачале.

Гарнитурата веднаш била исплатена од страна на прилепчанецот, а потоа на 12 ноември добиле таква каква што нарачале.

По извесно време почнало нешто да им шушка, но не биле сигурни за што станува збор, а потоа почнала да се шири и непријатна миризба во дневната соба.

Прилепчанецот со ноже отворил дел од страната не знаејќи дека во гарнитурата се крие змија – смок.

Исплашени и во шок, веднаш пријавиле во соодветните институции каде што се сомневаат дека змијата е намерно ставена. Истрагата е во тек.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.