За Божикните празници студено со дожд и снег

Во текот на денот времето ќе биде умерено до значително облачно, во северните делови постудено. Во попладневните часови во северните и западните делови ќе има врнежи од дожд, а на планините од снег. Понекаде во северните делови краткотраен снег ќе има и на пониските места. Ќе дува слаб до умерен ветер од јужен правец. Температурата ќе биде во интервал од 4 до 10° C.

Во Скопје претежно ќе биде облачно со слаб до умерен јужен ветер. Од пладневните часови ќе има повремен дожд и понекаде со појава на краткотраен снег. Температурата ќе достигне до 4 степени.

И утре ќе преовладува променливо облачно и потопло време со умерен јужен ветер и повремени врнежи од дожд, само на повисоките планини од снег. Врнежите ќе бидат пообилни во западните делови, а ќе продолжат и во ноќта кон четврток. Во четврток ќе има преодно заладување и врнежите кои ќе престануваат ќе бидат од дожд и снег и на пониските места.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.