2016 година е година на народот, кога на фер и демократски избори ќе ја испратат својата порака

Во 2016 година вие, граѓаните, ќе ја решите 2015 година. 2016 година е година на народот, година кога народот на фер и демократски избори на 24 април, ќе ја соопшти својата одлука и ќе ја прати својата порака. Изборите во април ќе стават крај на оваа тешко бреме, а вие граѓаните ќе решите. Никој друг, туку вие, граѓаните.   –  посочи премиерот Никола Груевски во своето новогодишно обраќање.

Тој додаде дека изборите во април ќе бидат и своевидна порака до сите политичари и лица или структури и организации, кои директно, индиректно, или само како набљудувачи биле и се вклучени во сите случувања што ги доживеавме и преживеавме заеднички изминатава година.

– Изборите ќе треба да донесат нов ветар в грб, енергија, сила за градење подобра иднина, на посветла иднина, ќе бидат своевиден излез, светлина на крајот на тунелот. Следната година треба да биде година кога ќе ја видите најсеопфатната програма што која било политичка партија, воопшто, ја направила во Македонија. Понуда што ќе значи подобар живот, повеќе проекти, мерки, реформи, дела, посветла, сигурна, предвидлива иднина – рече премиерот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.