Какво време нѐ очекува за новогодишните празници и во следните денови

Во Македонија во утринските часови ќе има појава на умерен мраз поради ниската утринска температура, која ќе се спушти до -11 односно до -3 степени. Во текот на денот ќе биде претежно сончево, ветровито и студено. Ќе дува умерен северозападен и североисточен ветер. Максималната дневна температура  во поголем дел од градовите ќе се задржи во негатива и ќе се движи од -5 до 5 степени.

Во вечерните часови и во текот на новогодишната ноќ повторно ќе има голем пад на температурата и појава на умерен мраз.

Во Скопје во четврток студено утро со утринска температура, која ќе се спушти до -7 степени. Во текот на денот претежно сончево, ветровито и студено. Максималната дневна температура до 1 степен.

Првиот ден во новата година ќе се разбудиме во студено утро со многу ниска утринска температура, која ќе се движи од -14 до -5 степени. Во текот на денот сончево и дневна температура од -4 до 6 степени. В сабота претежно сончево со локална облачност и максимални температури од -2 до 8 степени. В недела и в понеделник ќе биде нестабилно со врнежи од дожд и од снег. В недела врнежи од снег ќе имаме на повисоките места од 800 метри надморска висина, а в понеделник од 1.000 метри. Во другите предели со врнежи од дожд. Дневната температура ќе се движи од 0 до 10 степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.