Денеска се прославува зачнувањето на света Ана: Жените што сакаат да забременат денес треба да го направат ова!

Јоаким и Ана немале деца цели 50 години. На старост им се јавил архангелот Гаврил на двајцата поединечно и им рекол дека нивните молитви се услишани од Бога и дека ќе им се роди ќерка Марија. Тогаш Ана зачнала и по девет месеци навистина родила ќерка благословена од Бога , пресветата Марија Богородица.

Според христијанското верување, раѓањето на Богородица, Девицата Марија не било вообичаено. Таа била унапред претскажана, најпрвин од Бога: бидејќи „семето на жената ќе ја сотре главата на змијата“ (1 Moj 3,15), а потоа и од старозаветните пророци во многу пророштва.Родена е со од Бога избрани родители Ана и Јоаким, кои биле чесни, свети и праведни, а потекнувале од два рода на еврејскиот народ поделени од Бога: царскиот Давидов и првосвештеничкиот Ароновиот.

Во текот на овој ден жените не работат, а некаде бдејат цела ноќ во пресрет на празникот додека не ги слушнат првите петли. Кога ќе ги слушнат, велат: Слушам слушам, петли, своето го чувам, селското го собирам.

Во некои села мајките со женски деца одат околу куќата и фрлаат пепел или просо за да ја заштитат куќата од зло. Болните жени одат во манастири на молитва, а неродилките заминуваат на конак каде остануваат по три дена.

Во минатото мажите, чиишто жени по подолго време забременувале, заминувале на полноќ на виленските или на други проколнати места и забодувале крстови направени од тисово дрво.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.