Рецитал на виолинистот Куфојанакис по повод 35 години уметничка дејност

Виолинистот Михаило Куфојанакис вечер на Факултетот за музичка уметност вечер ќе оджи концерт по повод 35 години уметничка дејност.

На концертот, во придружба на пијанистот Тодор Светиев, Куфојанакис ќе изведе дела од Брамс, Бах, Стојков, Чајковски и Сен-Санс.

Михаило Куфојанакис дипломирал во 1981 година на Факултетот за музичка уметност во Скопје, во класата на проф. Зоран Димитровски. Постдипломски студии завршил две години подоцна на Државниот конзерваториум „Чајковски“ во Москва, во класата на познатиот професор и Народен уметник на СССР Дмитриј Циганов.

Концертот на Куфојанакис на ФМУ го организира Дирекцијата за култура и уметност-Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.