Да се креираат над 2.000 директни или индиректни работни места и да се зголеми нето приходот за 1,5 милиони евра на повеќе од 1.000 мали и средни претпријатија.
Такви резултати во наредните четири години треба да даде програмата за зголемување на пазарната вработливост, на Швајцарската агенција за развој и соработка (SDC). Ќе ја спроведува Свисконтакт во соработка со локалниот партнер ПРЕДА Плус.
За примена на програмата денеска ќе биде потпишан меморандум за разбирање за заемна соработка меѓу претставници на Амбасадата на Швајцарија во Македонија и на Владата на РМ. Првата фаза од програмата ќе трае до април 2019, со буџет од 6,25 милиони швајцарски франци.
Програмата работи во три сектори во економијата: туризам, креативна индустрија и зелена економија. Во соработка со приватниот сектор ќе се работи на подобрување на можностите за зголемен пристап до меѓународните, регионалните и домашните пазари, на развој на производи, пристап до финансии и квалификувана работна сила со цел да се обезбеди раст на претпријатијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
