„Гардијан“ ги демантира, медиумите на СОРОС не ја менуваат веста

Иако и британскиот весник „Гардијан“ упати писмена реакција дека дел од македонските медиуми го спинувале текстот што го објавија во врска со надминувањето на спорот кој Грција го има со македонското уставно име; иако демант на насловот кој што го употребил британскиот весник упати и премиерот Никола Груевски; на уредниците на медиумите финансирани од СОРОС не им паѓа на памет да ја тргат од насловната страница сензационалистичката лажна информација дека „Груевски е подготвен за промена на името“.

Денешната објава на британскиот весник одекна во опозициските медиуми, давајќи им можност за спинување на информации за наводна изјава на Груевски во насока која, според нив, добро би дошла во кампањата за пред изборите, кога рејтингот на Груевски е далеку над оној на Зоран Заев.

Затоа и побрзаа со вести, коментари и ширење на невистината. 

Дури доскорешниот прв човек на СОРОС Македонија и главен финансиер на медиумската поткрепа на деструктивните политики на СДСМ- Владимир Милчин- стигнал да напише колумна, односно блог, кој што по правило мора да биде преземен од сите оние кои ги плаќа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.