Не сакале да си ги платат пијачките – општа тепачка во ноќен клуб

Утрово околу 04.00 часот во ноќен клуб во Струга од страна на Д.С.(25) и Ѓ.С.(24) двајцата од населба „Езерски лозја“- Струга, и уште две, засега непознати лица бил нарушен јавниот ред и мир.

Тие не сакале да ја платат сметката за донесена нарачка, по што започнале расправија со келнерите и со обезбедувањето, а потоа и со сопственикот на објектот, по што и физички го нападнале, а почнале да го кршат и инвентарот.

Од исфрлените предмети од нивна страна со тешки телесни повреди се здобила 22-годишна жителка на Струга, која била пренесена во медицинскиот центар во Струга и по укажаната лекарска помош е задржана на понатамошно лекување.

Увид на самото место извршила увидна екипа на ПС-Струга. Се преземаат мерки за расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.