Сега му е мајката за свирка, а ништо не е како што беше

Од за­тиш­је пре­ку це­ла­та го­ди­на до не­кол­ку го­ле­ми ма­ке­дон­ски кон­цер­ти во де­кем­ври. Во „Бо­рис Трај­ков­ски“ пе­е­ја Та­ма­ра То­дев­ска и „Злат­ни­те сла­веј­чи­ња“, а се­га сле­ду­ва­ат „Љу­бој­на“ и „Но­ка­ут“… Но, ако кон­цер­ти­те се ре­тки – свир­ки­те не се. По­ве­ќе­то ма­ке­дон­ски му­зи­ча­ри пре­ку це­ла­та го­ди­на има­ат свои до­го­во­ре­ни го­сту­ва­ња, иа­ко и тие не се че­сти онол­ку кол­ку што мо­же­би беа пред не­ко­ја го­ди­на.
На­ши­от на­род знае и са­ка да се ве­се­ли, па еу­фо­ри­ја­та и праз­нич­но­то рас­по­ло­же­ние се чув­ству­ва­ат на се­кое ќо­ше. Пред­но­во­го­диш­ни за­ба­ви, свир­ки по ка­фу­ли­ња, ден­ски тез­ги, кор­по­ра­тив­ни прос­ла­ви, кон­цер­ти по пло­шта­ди­те – ме­ста и мег­да­ни има мно­гу.

Но, пе­ја­чи­те се се­ќа­ва­ат и на по­до­бри вре­ми­ња, ко­га во овој пер­и­од се за­ра­бо­ту­ва­ше кол­ку оста­на­ти­от пер­и­од од го­ди­на­та, кол­ку од хо­но­ра­рот, тол­ку и од ба­кши­шот. Кол­ку е тоа та­ка во пос­лед­ни­те две-три го­ди­ни?

– Во од­нос на дру­ги­те го­ди­ни има огром­на раз­ли­ка, но се на­де­ва­ме на по­до­бри вре­ми­ња – ед­ног­лас­но се сог­ла­­су­ва­ат на­ши­те со­го­вор­ни­ци, му­зи­ча­ри кои во те­кот на го­ди­на­та че­сто на­ста­пу­ва­ат низ зем­ја­ва.

Како некој што е долго време на естрадата, Кристина Арнаудова е сведок на овие промени.

– До пред 5,6 години декември беше период кога немав слободен ден, секој ден имав или новогодишно снимање или настап или настан. Секако дека со тоа следуваше и заработувачка. Ни одблизу како онаа на нашите колеги од Србија, но, сепак, ја имаше – вели Арнаудова.

Пејачката вели дека друг проблем е и тоа што сега сѐ се сведува на една или на две новогодишни програми, бидејќи телевизиите увезуваат новогодишни програми, а настапи има само неколку.

– Нема ни споредба колку последниве години е падната работата. Но, не само за нас. Тоа значи дека ни дискотеките, ни компаниите не можат да нѐ платат. Економската состојба, генерално, е многу лоша за сите – смета таа.

Пе­ја­чот Але­ксан­дар Бе­лов ве­ли де­ка, иа­ко пре­ку це­ла­та го­ди­на има до­ста ра­бо­та, овој е најп­лод­ни­от пер­и­од, ко­га и са­ми­от има најм­но­гу на­ста­пи. Но, спо­ред не­го, раз­ли­ка­та од по­ра­но и се­га е до­ста го­ле­ма.

– По­ра­но не бе­ше проб­лем да се до­го­во­риш за на­стап со це­на, а се­га не е баш та­ка. Тој пер­и­од ко­га не се раз­го­ва­ра за це­на се све­де ток­му на овие два ме­се­ца, пред и по Но­ва го­ди­на. Но, што е ту­ка е, мо­ра­ме да се на­де­ва­ме на по­до­бро, па и де­ка ќе се вра­тат уба­ви­те вре­ми­ња. Сѐ е до­бро до­де­ка има ра­бо­та – ве­ли Бе­лов.

И спо­ред пе­јач­ка­та Ни­на Ја­не­ва раз­ли­ка­та од по­ра­но до­се­га е огром­на.

– Tоа по­ве­ќе мо­же да се за­бе­ле­жи кај ко­ле­ги­те од на­род­на­та естра­да, би­деј­ќи таа му­зи­ка е нај­за­ста­пе­на и нај­ба­ра­на за го­ле­ми­те хо­тел­ски или ре­сто­ран­ски прос­ла­ви – сме­та таа.

Ја­не­ва ве­ли де­ка е ан­га­жи­ра­на не­ка­де пре­ку це­ла го­ди­на и на ре­дов­ни свир­ки и на при­ват­ни за­ба­ви, па овој пер­и­од не ѝ ме­ну­ва мно­гу.

– Не сум од оние из­ве­ду­ва­чи што ги трип­ли­ра­ат це­ни­те са­­мо за­тоа што е пред­но­во­го­ди­­шен пер­и­од, за­тоа што ни­ту јас, ни­ту мо­јот бенд не жи­ве­е­ме и не оп­сто­ју­ва­ме од му­зи­ка. За­до­вол­на сум од со­ра­бо­тка­та со го­ле­ми ма­ке­дон­ски фир­ми кои до­се­га нѐ ан­га­жи­ра­ле и сѐ уште нѐ ан­га­жи­ра­ат за­тоа што ние сме та­ков тип бенд што сви­ри са­мо свет­ски хи­то­ви и стро­го за­бав­на му­зи­ка и не­ма­ме ни­ту ин­те­рес ни­ту ас­пи­ра­ци­ја кон не­што дру­го – ве­ли таа.

И Але­ксан­дар Та­ра­бу­нов овој пер­и­од го до­жи­ву­ва без мно­гу воз­бу­ди око­лу на­ста­пи­те. Ед­но оста­на­ло – пред­но­во­го­диш­ни­от пер­и­од бил и ќе би­де пло­ден, но да­ли е до­вол­но?

– Се­га не се за­ра­бо­ту­ва кол­ку за це­ла го­ди­на, нор­мал­но, пред и за но­во­го­диш­на­та ноќ, ка­ко и ме­се­цот по­тоа, има по­ве­ќе на­ста­пи за пе­ја­чи­те, би­деј­ќи е та­ков пер­и­о­дот и си­те се за­ба­ву­ва­ат по­ве­ќе, но не е ни­што по­себ­но, ба­рем јас тоа та­ка го до­жи­ву­вам – ве­ли пе­ја­чот.

Пе­јач­ка­та Си­мо­на По­по­ска, пак, ко­ја на­ста­пу­ва ка­ко дел од „Са­унд ме­син­џерс“ за­ед­но со ди­џеј Ерик Фокс, ве­ли де­ка овој пер­и­од се­ко­гаш им е полн со об­вр­ски.

– Зим­ски­от и лет­ни­от пер­и­од отсе­ко­гаш би­ле нај­до­бри за ра­бо­та и за за­ра­бо­тка во од­нос на дру­ги­от дел од го­ди­на­та. Де­кем­ври и ја­ну­а­ри се­ко­гаш се нај­ис­пол­не­ти со на­ста­пи, но, за­тоа фе­вру­а­ри, ка­ко што ви­ка­ме, е „мр­тов ме­сец“ – ве­ли По­по­ска.

„Са­унд ме­син­џерс“ ве­ќе го има­ат за­ка­жа­но ден­ски­от на­стап за 31 де­кем­ври во ка­фу­ле­то „Чеп­тер“ во „Си­ти мол“, но сѐ уште не од­лу­чи­ле ка­де ќе сви­рат таа ноќ.

Ни Та­ра­бу­нов сѐ уште не ре­шил ка­де за но­во­го­диш­на­та ноќ. Ве­ли, ќе из­би­ра ме­ѓу по­ве­ќе по­ну­ди од оп­шти­ни низ др­жа­ва­ва, но де­ка има вре­ме, а во пре­го­во­ри за на­ста­пи е и Бе­лов.

Ја­не­ва, пак, се на­де­ва де­ка ќе зе­ме рас­пуст од об­вр­ски­те и де­ка, ка­ко ла­ни, ќе по­ми­не че­ти­ри-пет де­на на пла­ни­на.
Многумина ќе се согласат дека Арнаудова ќе го има најдобриот дочек.

– Оваа година паузирам од сѐ, бидејќи веќе во јануари го очекуваме новиот член во семејството. Овој период растам и се одморам (се смее). Нова година ќе ја поминеме дома, со пријатели и со мојот голем стомак, кој не може да си дозволи многу шетање – се смее пејачката.

Пишува: Марина Костовска
(Текст објавен во 170. број на неделникот „Република“, 4.12.2015)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.