Министерот Попоски во работна посета на Норвешка

Министерот за надворешни работи Никола Попоски денеска ќе престојува во работна посета на Кралството Норвешка.

Покрај разговорите со својот домаќин, норвешкиот министер за надворешни работи Борге Бренде, Попоски ќе оствари средба и со министерот за одбрана Ине Ериксен Сореиде.

Како што соопшти МНР, се очекува за време на средбите да бидат разменети мислења за натамошниот развој на билатералните односи, за поддршката од Кралството Норвешка на интеграцијата на Република Македонија во ЕУ и НАТО, како и за актуелни прашања од меѓународната агенда.

Во Осло министерот Попоски ќе оствари средби и со претставници на Комисијата за надворешна политика и одбрана на норвешкиот Парламент.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.