Неновски: Продажба на државни записи е општо прифатен инструмент на западот

Професорот Томе Неновски денешната аукција на која Министерството за финансии продаде државни хартии во вредност од 4,47 милијарди денари или 73 милиони евра ја оценува како една од вообичаените кои редовно ги одржува Министерството за обезбедување доволна ликвидност за финансирање на тековните буџетски потреби и еден дел за покривање на буџетскиот дефицит. ­

-Нешто што јас мислам беше планирано и веќе кога се донесуваше буџетот за 2015 година. Треба да се има во предвид дека секоја аукција во основа има прво задолжување, меѓутоа после задолжувањето државата оди кон раздолжување од страна на државата спрема банките врз основа на издадени запишани државни записи во претходниот период. Према тоа задолжување и заради раздолжување и ако остане некој дел, евентуално заради дофинансирање на буџетските потреби- вели Неновски.

Воведување на државни хартии од вредност и нивната продажба како финансиски инструмент, според професорот е општо познат во развиениот свет, особено во западните економии каде државата по потреба се финансира со распишување емисии на државни хартии од вредност, било во форма на благајнички државни записи или во форма на обврзници, со цел обезбедување средства на финансискиот пазар за финансирање на буџетските потреби. ­

-Тоа го имаат речиси сите западни држави, пред се САД, коишто имаат и највисок буџетски дефицит, а кој во најголема мера го финансираат со издавање на т.н „треџери билс“ или државни записи- додава Неновски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.