Собранието на Република Македонија денеска во рамки на 74. седница со 30 гласови „за“, 41 „против“ и ниту еден воздржан го отфрли предлогот на пратениците Лилјана Поповска и Павле Трајанов за измена на Законот за енегетика по скратена постапка кој предвидуваше граѓаните што не користат парно, односно го откажале греењето, да не плаќаат надомест.
Законското решение е сосема јасно бидејќи граѓаните се обврзани со некакви правила на Регулаторната комисија за енергетика да плаќаат за енергија во домовите што не ја користат. Апсурдно е некој да плаќа за услуга што ја откажал. Ваквата практика од порано треба да престане зашто сме веќе пазарна економија, истакна Трајанов, образложувајќи ги измените.
По гласањето, реагираше Роза Топузовска Каровска со забелешка дека „не е чесно Трајанов да поднесува вакво решение сега, по дури четири години откако битката за овој проблем е почната“.
– Битката против монополот на БЕГ, да не се плаќа за нешто што не се користи беше одамна почната. Не е чесно по четири години да се поднесе ваков предлог – укажа Топузовска Каровска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
