Почнува второто издание на детскиот филмски фестивал „Кидс Фест“

Второто издание на Детскиот

Во програмата на најпосетената манифестација за деца кај нас премиерно ќе се најдат 8 најдобри 2D и 3D остварувања на земјите ширум светот.

„Кидс Фест“ е уметнички фестивал на филм и забава, конципиран по угледот на слични манифестации во светот. Во рамки на Детскиот филмски фестивал премиерно ќе бидат прикажани 8 филмови од разни земји, меѓу кои се и најдобрите 3D остварувања. Најголемиот број анимирани филмови од програмата се синхронизирани на македонски.

Посетителите на „Кидс Фест“ веќе ги познаваат Каспер и Еми, а нивната авантура оваа година продолжува на сафари. Тука се и другите познати другарчиња – Зозонците, шест анимирани неразделни пријатели во хит филмот „Зозонците во земјата на ветрот 3D“, кои се борат да го зачуваат гратчето Пуф од враните – вештерки. Играниот француски филм „Книгата на магии“ изобилува со магија, а главниот јунак поседува прстен со чија помош станува невидлив.

Освен анимираниот и синхронизираниот филм „Смотанко и Трапавко: неверојатна мисија 3D“ за тајните агенти кои користат неверојатни изуми, на програмата на второто издание на Кидс Фест ќе се најдат уште неколку 3D остварувања, меѓу кои е и авантурата од студиото „20th Century Fox“ – за неодоливото кученце Снупи и неговиот сопственик Чарли Браун во филмот „Чарли Браун и Снупи: филм за дружината 3D“. Од Азија пак, пристигнува анимираната авантура „Змејовото гнездо: зора на воинот 3D“.

На децата кои ги сакаат пиратите ќе им се допадне норвешкиот игран филм „Капетан Сабјозаб“, додека комедијата Пудрата на доктор Проктор ќе ги насмее до солзи.

Проекциите ќе се одржуваат во киното Cineplexx и градско кино Милениум.

филмски фестивал „Кидс Фест“ ќе се одржи од 9 до 13 декември.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.